اجمد مواقف مضحكة

احلى مواقف مضحكة عالنت

مرة كنت ماشية فى الشارع رايحه المدرسة الصبح قابلتنى واحده عجوزة اوى وكان شكلها يخوف بصراحة وقالت ادينى نص جنية اروح بيه فبصيت لها كده قلت لها انتى فلوسك ضاعت فبصت لى جامد وزعقت لى وقالت لى ملكيش دعوة هتجيبى ولا .. انا بصيت لها كده وماكانش فى حد فى الشارع خفت واديتها الفلوس بس كان موقف

مرة كنت في شغلي وانا اصلا ادارية وبعدين مكتبي في وسط الادارة وكل الموظفين قاعدين المهم مديري معايا في نفس المكتب والطابعة على مكتبه بنطبع عليها كلنا وبعدين قام وقف وانا بعدي من وراه علشان اجيب الورق من الطابعة وشديت الكرسي بتاعه علشان اعرف اعدي راح قاعد فجأة فنزل في الارض يعني قعد على الهواء وكل الموظفين ماتو على نفسهم من الضحك وانا كمان كتمت الضحك بالعافية ومشيت من قدامه ومت على روحي من الضحك وكل ما افتكر الموقف اضحك عليه جدا وكمان هو راجل غلس جدا يعني يستاهل مع اني ما اقصدش

فى أيام الدارسة و احيانا بيكون فى دروس ورا بعض و مابنلحقش نصلى .فمرة خرجنا من درس الرياضة و ماكنش صلينا العصر و خوفنا يضيع مننا و كان بعده علطول درس انجليش روحنا بدرى شوية لقينا لسه المجموعة اللى قبلنا دخلنا الاوضة التانية و قلنا نصلى قبل ما يفوت مننا الفرض و احنا ما نعرفش القبلة منين و صاحبتى تبقى جارة المستر بس شاكة برضو القبلة منين و انا اعدت احسبها عشان اعرف منين المهم طلع القبلة اللى رسيت عليها عكس اتجاه القبلة اللى صاحبتى رسيت عليها كل واحدة بقى بتجتهد و نروح نسأل المستر مش فاضى المهم قلت هصلى فى الاتجاه اللى حسبته و هيا كمان قالت كدا .......... و تصوروا اتنين بيصلو فى نفس المكان عكس بعض يااااااااااااااااه على الموقف دا غرييييييييييييب و المستر جه لاقانا بنصلى بالمنظر دا و قع على الارض من الضحك و قالنا منين القبلة و ان انا اللى كنت غلطانة فى الحسبة .......هههههههههههه و الله حاجة غريبة

مره كنت فى معسكر وكنت انا وصاحبتى هنام فى اوضه واحده فأنا ماكنتش عارفه انام خالص لان انا مش بعرف انام بره البيت فقعدت أتفرج من الشباك على البحر لان الفندق كان بيطل ع البحر المهم وصاحبتى ديه نامت فكانت حاطه الموبايل بتاعها يشحن فى الحمام ونامت فمامتها بعتت لها رسالة وطبعاً النغمة بتاعة الرسالة كانت مرعبة جداً كأن فى حد بيصرخ بقى وبيضحك ضحكة وحشة انا وقفت فى مكانى والدنيا ضلمه مش عارفة اعمل ايه وكان هيجى لى سكته قلبيه وبعد ما الصوت راح خالص رحت ناحية الحمام وانا برتعش عشان اشوف فى ايه لقيت الموبايل بتاع صاحبتى الى كانت بيعمل الصوت ده صحيتها وقعدت اضربها بالمخده وهى بعد كده بقت كل شويه تشغل النغمة دى

مرة واحدة صاحبتى كانت ماشية معايا وكان ماشى معانا ابن عمتها وبعدين راحت قالتلى بحبه اوى ياسارة بحبه بصوت منخفض وبعدها رحت قلتها باعلى صوت ايه بتحبيه راحت طلعت تجرى ورايا وهى معروفة بالقوة راحت ضربتنى خلتنى والله جبست دراعى

الحكاية ببساطة ان كان فيه واحد صاحبي أول مرة في حياته يشيل موبايل ولسه ما يعرفش فيه اي حاجه المهم رحنا عند واحد زميلنا وقضينا الليلة عنده وفي آخر الليل دخلت انا وزميلي علشان ننام ومن غير ما ياخد باله أخذت الموبايل بتاعه وعملت تذكير بعد نص ساعة وكتبت فيه (جاري تجهيز الموبايل للإنفجار) وصاحبي أول ما شافها رمي الموبايل من الشباك وخارج من الغرفة وهو بيصرخ

مرة كنت جاية من الشغل واليوم ده كنت فرحانة علشان قالو انهم هيزودة المرتب الي 300جنيه فرحت اوي ركبت الميكرباص وبعت الاجرة مع الصبي وكنت بفكر اني العمل جمعية بــ100 وروشن نفسي بــ200 جنيه لقيت الصبي بيدين الباقي وبيقولي خدي الباقي علشان الجمعية اللي بـــ100جنيه عايزة اقول اني كنت مكسوفة جدا لدرجة كنت عايزة اختفي.

مرة كنت فى رحلة للعين السخنة كنت واقفة على الشط وكنت بخلى بالى من اخويا الصغير واولاد صحاب ماما وهما بيعوموا وبعدين كانت ماما لقت فى البحر نضارة شمس شيك اوى اقعد ادور على صاحبها على الشط بس ملقتش حد المهم قلت خلاص حلال عليا ولبستها واترسمت بيها اوى وقعدت اكلم العيال اللى كنت بخلى بالى منهم بفزلكة والاطة وبس يا بنت وهس يا ولد رافعا راسى اوى وفجاة لقيت واحد شيك اوى جاى نحيتى قلت فى نفسى النضارة الجديدة بدات تعمل شغل وفجاة قرب عليا ولقيته بيكامنى وبيقول لو سمحتى هو انتى لقيتى النضارة دى فين قلعتها وادتهاله واكسفت اوى وكان نفسى البحر يبلعنى من الكسوف وبقيت قاعدة على الشط مكسوفة وبدعى وبقول يارب النهار يخلص والاتوبيس ييجى عشان نروح

اخويه ليه واحدصحبه بس محوراتي جدااااااااااااااا واخويه ياخده علي قد عقله عشان يضحك عليه وهواصلامن طنطا فمره حوارجامدا :مره واناماشي علي البحر اخويه قاله لا استنه بقي بحر ايه هوفي بحرفي طنطاياحمار ابقي اسبك حوراتك بعد كده ههههههههه

انا وصحبتي الانتيم رحنا نشتري ايس كريم زي كل يوم وبعدين مشيين جنب سوبر ماركت كبير ومليان ناس وشباب وقفه كتير بره راحت صحبتي اتزحلقت ووقعت رافعه اديها لفوق خيفه علي الايس كريم وانا بدل ما اقومها انفض لها هدمها اخت منها الكونو وسبتها وقعه

كنت فى تدريب الكنغ فو مع اخويا وصحبه اللى مش بطيقه واتعرفت على واحد وقعد اتكلم معاها وشورتلها على اخويا وصحبه وفضلت اقولها انى صاحب اخويا ده رخم لابعد الحدود واحنا مروحين لقتها ماشيه معاه طلع اخوها هههههههههههه

كان واحد زميل بابا عندنا فى البيت فراح بابا قالى اعمل شاى بنعناع فرحت عملت الشاى وبدل ماحط نعناع حطيت ملوخية ههههههههههه كانت كسفة جامدة اوى

كانت فى واحدة عجبانى فكنت كل يوم اروح عند بيتها وافضل واقف لحد ما جه يوم قررت اكلمها ففضلت ماشى وراها ووقفتها وليسه هكلمها ودى صوتت ولقيت اخوها ورايا ومعاه اصحباه افهمه ما يفهمش وخدت العلقة وكنت قبل ما اروح كنت نسيت البنت دى

فى مرة كنت رايحه انا وتلاته اصحابى المدرسه عشان ناخد مراجعه رياضيات وخدنا الدرس وحنا مروحين ركبنا مينى باص وكان ماشى بسرعه اوى وكان زاحمه موت وكانت واحده صاحبتى اسمها عبير واقفه عشان ماكنش فى مكان تقعد فيه فمن كتر سرعه المينى باص كانت هتقع فبدل ماتمسك فى الكرسى مسكت فى راس الراجل الى كان قاعد على الكرسى وفضلت ماسكه فى شعرة وتروح وتودى براسوا لغايه ما الراجل بصلها ولما نزلنا قعدنا نضحك وبدل ماتبقى مكسوفه من الى عاملته شمت ريحه ايديها وقالت ايه القرف ده ده حاطط جاز فى شعرة ده بس كانت حكايه تفطس من الضحك

انا متعوده اني لما انزل من البيت معناها اني اكون اخر شياكه المهم نزلت وكنت ماشيه بقول يا ارض اتهدي ماعليكي قدي ومعديه من جنب عربيه شيك اوي راكنه تحت البيت ومره واحده لاقيت كلب طلعلي من تحتها بيهوهو عايز يعضني سرخت في الشارع وطبعا الناس اتلمت عليا وعيطت من الخضه وبعدها وانا ماشيه قعدت اضحك

كنت فى الكلية وطالعة على السلم وطلعة وفرحانة اوى بنفسى ورافعة راسى فى السما وكان فى شباب واقفين على السلم كانو واقفين بيغنو فكان فى ولد طالع ورايا على السلم وعايز يوقفنى باى طريقة روحت انا طلعت على السلم بسرعة وحصل اللى حصل اتكعبلت على السلم وكان منظرى زبالة اوى والشباب اللى كانو واقفين اعدو يضحكو عليا

مره ماما اول ماجابت خط جديد للموبايل كان خالى على طول بيرنلها من نمر كتير مره نمره رنت بس ماما راحت متصله بيها وكان واحد بيعاكس يعنى فماما قالت لبابا قالها هاتى النمره ونكلمه من ميناتل بابا راح نزل يكلمه وبعدين الراجل وبابا عمالين يزعقوا وفجأه الراجل سكت وبعدين قال لبابا انت ادامك عمود نور صح بابا قعد يبص لقى عمود نور ادامه افتكر ان الراجل اللى بيكلمه شايفه بابا رد عليه وقاله اه ادامى عمود نور الراجل قاله اضرب دماغك فيه ومن ساعتها الراجل قفل الخط ومش بيفتحوا ابدا

اطرف قصة حصلتلي كانت فى العمارة بتاعتنا .. لما جارنا اللي تحتينا غير لون الباب و حط ورد ياما زي باب شقتنا تمام .. ان من ذكائى افتكرته باب بيتنا لانه نفس شكل .. خبط على الباب لقيت الباب اتفتح .. و الظاهر ان اللي فتح الباب كان مستعجل شوية او كان فاكرني من اهل البيت .. دخلت الشقة لقيتها مش شقتنا و من حسن حظي ان الباب اتقفل من برة و ده طبعا عشان الهوا اللي فى الصالة .. بقيت واقف فى الصالة و انا مش عارف اعمل ايه مرة واحدة لقيت واحد نزل على دماغي بالقفا و بيقولي "جي متأخر يا ابن الكلب" بصيت للشخص اللي ضربني لقيته جارنا .. الراجل فضل واقف و مش عارف يقول ايه .. شرحتله اللي حصل بالضبط .. قام قالي "انت برده زي ابني و سامحني .. بس صحيح انت متأخر ليه؟ .. على العموم قول لبابا يرد القفا لحمادة ابني عشان نبقى خالصين" .. طلعت بيتنا و انا بضحك و فى نفس الوقت خايف من ابويا .. بابا ما كدبش خبر .. ضربني على قفايا و قالي : خلي عمه هشام يضرب ابنه قفا زيادة

كنا بنصلي التراويح في جامع كبير في الاسكندرية . الجامع ده بيطفي الانوار لما الصلاة بتبتدي ولما الامام اندمج في القراءة الناس بدأت تتأثر وبدأو يبكو. وكان في طفل واقف جنب والده ولما شاف والده بيبكي صعب عليه وراح قايل له بمنتهي البراءة "" معلش يا بابا ماتخافش دلوأتي ح يولعو النور تاني"" وطبعا لا انا ولا الناس اللي سمعو قدرنا نمسك نفسنا من الضحك.